23.1 C
بيروت
مايو 13, 2021
Jadeedouna

رسالة مؤثرة من خطيب الشهيدة سحر فارس بعد 9 أشهر على انفجار المرفأ

بكلمات مؤثّرة، استذكر جيلبير قرعان خطيبته شهيدة فوج إطفاء بيروت، سحر فارس، التي استشهدت مع رفاقها في فوج الإطفاء جرّاء انفجار مرفأ بيروت المشؤوم في 4 آب 2020.

وكتب جيلبير عبر حسابه على “فيسبوك”:”عروستي الحلوة البطلة 🖤🕊
٩ اشهر يا مجرمين ، ٩ اشهر صرلكن سارقين بنت حلوة طموحة الدني مش سايعتها و الضحكة عطول على وجها ، ٩ اشهر صرلكن سارقين مني فرحتي و حياتي و ضحكتي و مستقبلي و هدفي و عروستي ، ٩ اشهر نحنا و عم نبكي دم و قلبنا عم يحترق اكتر كل يوم ، ٩ اشهر صرلكن قاتلين بنت عرسها كان بعد شهر ، ما خليتوها تلبس فستانها الأبيض يلي كنت احلم شوفا في ويلي كنّا عم نكدح كرمال هيدا النهار ، خليتوني شوفا بغير ابيض من ٩ اشهر يا مجرمين يا بلا ضمير ، الله يغضب عليكن و يردلكن ياها اضعاف بحق حرقتنا و جعنا و دموعنا و صلواتنا .
بقول اوقات يا سحّورة نيّالك ، نيّالك صرتي بالمطرح يلي بيشبهك ، يلي متل قلبك و روحك و نفسيتك ، نيّالك خلصتي من قرف الدني و وسخها و صرتي بحضن الآب السماوي 🖤🕊 لو تعرفي بس قديش عيوني مشتهيين يلمحوكي يا عيوني انت🖤🕊لو تعرفي قديش حابب اسمع صوتك و صوت ضحكتك 🖤🕊لو تعرفي قديش انا بحاجتك و بحاجة حنانك يا حنونة ، اشتقتلك كتير يا سحر كتير ، اشتقتلك يا قلب جيلبير و روح جيلبير و الهوا يلي بيتنفسوا جيلبير 🖤🕊
خلي عينك عليّي يا قدّيسة و زوريني لو ثانية وحدة بالحلم خليني شوف عيونك الحلوين الكبار السود🖤🕊
بحبك لآخر نفس يا عروس وطول معم اتنفس حبك رح يكبر بقلبي اكتر و اكتر 🖤🕊”

Open chat