نشرت الاعلامية الزميلة منال خليل في حسابها الخاص عبر موقع تويتر، خبرة مؤثرة جدا عايشتها مع ابنها خلال تواجده في المستشفى.
وكتبت خليل في حسابها الخاص عبر موقع فيسبوك: “في ناس رح تنتقد يلي رح اكتبو، وفي ناس رح تعطي الف سبب وسبب للّي شفتو، بس انا رح احكي انطلاقا من ايمان حبّة الخردل ولانو اكتر من شخص حمّلني أمانة ووصّاني خبّر:
هالاسبوع مرقنا بظرف صحّي طارئ استوجب دخولنا المستشفى ليخضع ابني لعملية جراحية…
يمكن انا بفترة سابقة شكّكت وبعدت عن الايمان، بس كتار صلّوا ع نيتو، وأنا صلّيت للعدرا وقلتها بأسبوع الآلام انت بتعرفي حرقة قلب الأم… ما تخلّيني عيشها.
صلّيت مسبحة الوردية…
أول اشارة كانت تلفون من غرفة العمليات من الطبيب بيقول انو مرحلة الخطر زالت، وكان متوقّع سيناريو أسوأ….
طلع إيلاي ع الغرفة، وأنا وحاملتو ع كتفي بشوف مسبحة الوردية عالحيط…
تا اتأكد من يلي عم شوفو، صرت اطّلع بالسقف لشوف اذا انعكاس لشي ضوّ…. بس ما في ضو، والمسبحة بجزداني…
طلبت ورا الممرضة وسألتها: هيدا ديكور بالغرفة قديم؟
جوابها كان عبارة عن شهقة من القلب وتخباية وجها وصرخة يتمجّد اسم العدرا… صرلي سنين بشتغل هون، وانا حضّرت هيدي الغرفة تحديدا، ولا مرة كانت….”
