صورة برسم المحاكم الدولية: “هيدا البطل جو نون واصحابو” ..الفضيحة التي نشرتها لارا نون
جَديدنا – نشرت الاعلامية لارا سليمان نون :
هيدي الصورة برسم المحاكم الدولية…
هاو شبابنا يلّي راحوا يطفوا الحريق الأول تحت شعار “المفرقعات”…
هاو شبابنا يلّي رايحين يأدّو واجب وطني… لوطن باعن بثلاثين من الفضة…
هيدا جو نون… هيدا البطل يلّي ودّع أهلو وإخواتو… وكان مع أصحابو أول الناس يلي حاولوا يفتحو باب عنبر رقم ١٢… مش عارفين إنو بواب جهنم خبِّت شياطينا من الكارثة… وحطِّت ولادنا بالواجهة…
هاو مستقبل لبنان… هاو أمل بكرا… هاو حلم الوطن…
شكراً لكل سياسي عم بينبّش عالكلمات ليكذب علينا مليون كذبة… مش عم بينبش على ابنو بين الأنقاض…
شكرا لكل سياسي قاعد عالكرسي وعم بيعدّ مصرياتو… مش عم بيعد خسارات ما بعمرا بتتعوّض…
شكرا لكل سياسي غمضوا عيونو بالليل… في إم عم تتمنى ما يطلع عليها الضو… وتسمع بخبر إبنا…
لعنة الله عليكم يا أولاد الأفاعي! ولادنا عالباب… والموت ورا الباب!!!!!!!
الاعلامية لارا سليمان نون
