شنّت مقدمة البرامج كارلا حداد هجوماً نارياً على الممثلة سهى كيكانو، ووصفتها بـ”الشنعاء”، حيث قالت الأخيرة أن حداد طردت من قناة MTV، ونعتتها بـ”المطلّقة”.
وغرّدت حداد عبر حسابها الخاص على “تويتر” قائلة: “أنا كان عندي قناعة إنّو ما لازم ولا مرّة ردّ أو إنزل لمستوى ما بليق فيّي، بس سكوتي تُرْجِم بالضّعف وسمح لأهل الباطل يتوهّموا إنّن على حق. بسمح لحالي إنزل لمستوى وردّ على شنعاء كنت إشفق عليها قد ما بيحكوا عنها بالعاطل. قالت أنا مشحوطة من ال.أم.تي.في. وأنا ح ردّ عليها وقول: مع إنو الموضوع صار قديم بس أوّل مرّة بحكي فيه: أنا تركت المحطّة بعد ما عرضت عليي برنامج مع ماريو باسيل إسمه “حبّك نار” ما كان بيرضي طموحي خاصة بعد 3 سنين من إنتظار موسم جديد من “رقص النجوم”، ولأمور كتيرة بتحفّظ عن ذكرها… والمعنيين بيعرفوها كتير منيح”.
وأضافت: “الشنعاء قالت إني هبلة، أكيد هبلة بالمواضيع يلي هيّ، حسب ما بسمع عنها، ضليعة فين (ما قصّر فيها مروان نجار) وطلعت هي مشحوطة من أكتر من مكان لعدم دفعها أموال مُستحقّة. وما بعرف ليه عم تنعتني بالمطلّقة. أنا طليقة حرّة من أفكارك الوسخة ومستواك الرخيص”.
وختمت حداد: “بعتذر عم بحكي بموضوع سخيف، وفي مواضيع معيشيّة ومصيريّة عم بعيشها شعبي وبلدي الحبيب لبنان. حقكم علي”.
وكانت كيكانو قد علقت على حلقة Fi Male وقالت:” #fi_male المعد النعنوع ب
تلميذ @OTVLebanon حميل شنة الفنانين حاطط سؤال عني مع صورة.المذيعة الهبلة لي نجدبت بطلاقا انبسطت بالسؤال لضيفا العوني المستحدث #ميشالألفتريادس لي كل مركون بصير عوني فجاة.الجدبة كيفت والضيف ابو عصا المشعوط بلا زوق.شهادة بروفسور نسناس فخري مع #طونيخليف”
