بعد حرب البيانات بين المكتب الإعلامي في بعبدا ورئيس مجلس النواب نبيه بري، شن قياديي في التيار الوطني الحرّ هجمات على بري من خلال تغريدات على تويتر.
فقد غرد الوزير السابق غسان عطالله عبر حسابه الخاص على موقع “تويتر” قائلاً: ” من يحاول ايقاع الفتنة بين الذين قاوموا الاحتلالات بدمهم، سيتفاجأ بصلابة تفاهم مار مخايل بين فريقين وطنيين لا يشبهان المجبولين بالمصالح والتفاهمات الضيّقة والآنية وأصحاب “النكايات” السياسية… التيار والحزب تجمعهما الوطنية وإن حصل تباين بينهما على ملفات داخلية!”
بدوره غرد الوزير السابق سيزار ابي خليل عبر حسابه الخاص كاتباً: ” نهار واحد كان قد ٣٠ سنة سياسة واعلام وجهد، بيّن الوجه الحقيقي للمنظومة الساعية حتى تجدّد لحالها وللفساد وتواصل هضم الحقوق وضرب المشاركة وبيّن كمان مين كان ساكت ومتواطئ ع الحقوق من الطائف لليوم”.
وغردت القيادية في التيار مي خريش قائلةً: ” المسيحي تهمَّش من ال ٩٠ لل ٢٠٠٥…بعدها بلَّش بإستعادة شراكة مسلوبة وحقوق مأكولة…اليوم المنطقة جايي على تسوية…البعض تعَوَّد إنّو التسويات تكون على حساب المسيحي…لكن هالمرة لأ…كرمال هيك في حدا جنّ جنونو ونزل شخصياً على الملعب…عمل فَوْل دستوري…وكشف عن حقيقة يلّي ضامرو من سنين…”.
وبدوره كتب النائب ادي معلوف: “إذا انت معتبر الرئيس مغلّط وانت اصلاً ما بتحبو، وجبران ما بيسوا وانت اصلاً بتكرهو، والتيار فاسد وانت بتتمنالو كل سوء، كل هيدا ما بيمنع انو يكون إلك موقف من طريقة تفسير الدستور يلي عم نسمعها مؤخراً! إذا اخدت موقف، مش يعني انت عم بتدافع عن الرئيس أو جبران أو التيار”.
