استكشفوا معنا منطقة العاقورة

ما في أجمل من المشاوير بلبنان بالأخص لما نستكشف جمال القرى اللبنانية وأمتع النشاطات يلي ممكن نعملها فيها، هالمرة مشوارنا عالعاقورة يلي بتتميز بطبيعتها الساحرة ومناظرها الطبيعية الرائعة وكترة ينابيعها وأهراماتها الطبيعية، هالقرية موجودة بمحافظة جبل لبنان قضاء جبيل.

خلونا نتعرف على بعض النشاطات يلي فينا نعملها بالعاقورة.

١. مغارة الرويس:

هي تالت أكبر مغارة بلبنان ومن أقدم الآثار الموجودة بالعاقورة، ومن أجمل الأنشطة يلي فينا نعملها هي اكتشاف هالمغارة الكبيرة يلي بتاخدنا على عالم تاني رائع موجود تحت الأرض.

٢. هايكنغ:

في كتير دروب فينا نمشي فيها بالعاقورة ونستمتع بالطبيعة الحلوة ونستكشف أجمل الأماكن التاريخية وصولاً لسيدة الحبس يلي بطل على أجمل مناظر بلبنان.

٣. نهر العاقورة:

مافي أحلى من السباحة بهالنهر، وتمضية نهار ولا أجمل بالطبيعة.

٤. التخييم بالعاقورة:

شو حلو نقضي ليلة تحت ضو القمر والسما الصافية بهالمنطقة الحلوة ونشاهد غروب الشمس من أعلى قمة بالعاقورة، بالإضافة لأجمل سهرات النار والسهرات الغنائية يلي ممكن نشاهدها.

٥. كنيسة مار بطرس وبولس:

لازم نزور بمشوارنا هالكنيسة الأثرية المحفورة بالصخر يلي كانت مدافن للملوك والأمراء الفينيقيين.

ar.beirut,com