مريضة – الشاعر موسى زغيب

قالوا مريضة وعم تسأل عن حبيب
شو باك ما بتزورها امرك عجيب
قلبي نقزني ورحت ضمة ورد جيب
قلت بدي زورها مثل الغريب
ولما وصلت ولقيتها بمشهد كئيب
وما في بغرفتها طبيب ولا رقيب
بلشت ضم السلسلة وبوس الصليب
وادعيلها وأغطس بعينيها وغيب
من كثر ما عبَّق بوجهي الطيب
وحسيت عن الوعي بالحال بدي غيب
ندهوا الطبيب,اللي كان بالمكتب قريب
ولما أَكدلو الفحص اني بطيب
تطلع عليها وقلها لا تفزعي
أنتِ بخير وحضرته بدو طبيب

الشاعر موسى زغيب