يلي بوجك حـزن – موسى زغيب

يلي بوجك حـزن و عيـون تعبانيـن
إحكيلي الحقيقة ال بقلبك حاج مقهورة
ما بحب قطف النحل بكفوف مكشوفين
ولا بحب صيد السمك بنهور معكـورة

وإن كان خفتي الذنب مش عارفة تخمين
إنو عيون الحسـاب الغيـر منـظورة
بتجمع ذنوب البشر من كل شرع و دين
لكن خطايا العشق و الحب مغفـورة

دوخي عفرشة صبا إيامـك الحلويـن
وخلّي شفاف الهوا عناقيد معصـورة
بكرا بجف الخمر و بيبغتك تشريـن
وصدق المراية معك بغيّـر الصـورة

بذكر حلاكي بكفر ما بتحملوا شياطيـن
بذكر حلاكي بصلا الرهبـان بديـورة
وكل ما بيلوح الهوا شالات و فساتيـن
وكل ما بيكـرج وعـد عا زاف تنـورة

روحي تنهرب سوا لهونيك عا صنيـن
ومن زخم ريح التلج عتلال مهجورة
تسرب طيور المسا و يـضل هالشاهيـن
يفلي رياش العشق بجنـاح عصفـورة

موسى زغيب