انطونيلا حتي في ذكرى دفن ابطال قرطبا: قلبي وقف للحظة بس شفت ٣ توابيت بيض وصور معلقة فوقن!

كتبت أنطونيلا حتي التي خسرت ٣ من أفراد عائلتها نجيب حتي، شربل حتي، شربل كرم ابطال فوج اطفاء بيروت في ذكرى دفنهم ما يلي :”اليوم، من سنتين، قربت وطيت صوتي ولقيت عالتابوت.
“يلا، ما ارتحتوا من الحريق، بعرف كان كبير وتعبتوا، يلا حبيباتي انتوا قوموا”
ما في جواب.
عليت صوتي شوي ودقيت عالخشب.
بس كان فاضي جوا، ما في حدا.
“عم تمزح معي نانو؟ انت منك هون. اذا كنت هون قوم يا بطل، بلا هالمزح”
كمان ما في جواب.
غدروكن، قتلوكن وشقفوكن لك حتى ما خلوني شوفكن او شم ريحتكن، اغمركن، بوسكن…
شو صغير الحكي
شو بايخين الكلمات
قلبي وقف للحظة بس شفت ٣ توابيت بيض وصور معلقة فوقن.
لأ مش نحنا البصير فينا هيك.
وصرت ناطرة تجوا توعوني من هالكابوس، اللي حابسلي نفسي…
وبعدني ناطرة”.