شردوقة أنهت حياة العروس كريستال يوم ميلادها…خبر صاعق يصدم اللبنانيين اليكم تفاصيله

في فاجعة جديدة تهز لبنان، غيّب الموت الشابة كريستال مزهر فارس الشابة ابنة ال ٢٤ ربيعا ليلة عيد ميلادها.

وقد توفيت الشابة كريستال بعد شهرين من زواجها وليلة عيد ميلادها، بـ”شردوقة”، وسط حزن لف كل لبنان على خبر وقع كالصاعقة على كل من عرفها ايضا

كريستال صاحبة القلب “الطفل” بحسب ما وصفها عارفوها خذلها قلبها ليلة عيد ميلادها.

وتركت الراحلة زوجاً مفجوعاً وأماً ثكلى وعائلة مفجوعة، هي التي لم يمضِ شهران على زفافها.

في هذا الاطار، كتب المسعف في الصليب الاحمر والكاتب جوني مخيبر:
اليوم فَلِّت كريستال مزهر،
أكتر شي بيِقهر بهالفلّة إنو السبب كان شردوقة وقلبا وقف.
شغلة صغيرة أخدت بنت بعدو الربيع مزَهّر بحياتا.

عندي حلم صغير، تما ترجع تصير هالقصص مع غير ناس ونخسر كريستال جديدة، الدورات الإسعافية مهمّة، ردّت الفعل اللي بتعملا بسرعة قدام هيك حالة بتخلّص حياة كتار.

بشجّع الكل يكسب هالتقنيات، كرمال مجتمع يكون قادر يساعد، أقرب مركز صليب أحمر، جمعوا بعض، طلبوا دورات، كل واحد قادر يكون مسعف ولَو مش لابس هالبدلة.

وكتبت ليليان نمري عبر فيسبوك:”الله معك يا كريستل .. حرقتيلي قلبي يا اميرة يا عروس ما كملتي الشهرين وبليلة احتفالك بعيديك الـ ٢٤ . الحمدلله ما حضرت عرسك يا صغيرة حتى الحرقة ما تكون اكبر واقسى الله يصبر امك إللي تعبت وشقيت ونطرت نهار عرسك مناطرة وعيلتك وجوزك ويرحم بيك الجار الطيب الخلوق المحب خسارة كبيرة والصدمة والفاجعة ما بينوصفوا ..

بشردوقة صغيرة تركتي الدني .. المنطقة كلها حزينة والوجوه شاحبة .. صحيح ما فيها شي هالدني .. نامي يا صغيرة يا حلوة بقلب الرب ليوم الملتقى بالملكوت .. إرادة الرب والحمدلله برجاء القيامة .. الله يرحمك”.