رئيس دائرة الجامعة اللبنانية في القوات: ” في زلمة إسمو “إيلي باسيل” ما فيي غير ما إشكرو”!

كتب رئيس دائرة الجامعة اللبنانية في مصلحة الطلاب في حزب القوات اللبنانية عبدو عماد على صفحته على الفايسبوك ما يلي:” في زلمة إسمو “إيلي باسيل” ما بعرفو ولا بعرف مع مين بالسياسة ولا بهمني أعرف مع مين ( شو ما كان يكون )
كل يلي بعرفو عنه إنو صاحب شركة كهرباء جبيل
كل المناطق عم تحس بنقص الكهرباء إلا جبيل وبخصوص السعر بعدو أرخص سعر بكل لبنان.
عندو موظفين ولا يوم طلب من موظف أو عيلة موظف ياخدوا معو موقف سياسي.
أنا كمواطن من جبيل وساكن بجبيل ما فيي غير ما إشكرو وشد على إيدو وأطلب من كل صاحب شأن بجبيل أنو يدعمو كرمال يضل المهندس إيلي وشركتو حد أهل قضاء جبيل
( ما حدا يخبرني أنوا عم ياخد حقوا هوي صاحب شركة مش جمعية ومن سنة لهلق مش عم ياخد حقوا عم يبيع كهرباء أرخص من الكلفة )
علما أنوا في يكون محتكر الكهرباء ويبيع بسعر إحتكار”.