كتبت الاعلامية لارا نون:
من قلبي وقلبنا كلنا… شكراً لكل شخص وقف حدنا بهالفترة… نواب، سياسيين، اعلاميين، اطباء، أهل الضيعة، اصحاب بلبنان وخارج لبنان… زملائي بالوزارة….
من قلبي… شكراً لصحن الطبخ يلي كنت لاقيه عالدَرج… وحلويات للولاد حتى ما يحسوا بالعزلة… شكراً للشموع يلي ضوّتن جارتي كل يوم بدير مار شربل… ولمكنة الاوكسجين من مستوصف ضيعتنا الحبيبة بهمّة شباب وصبايا الضيعة وخصوصاً آل حنا الكرام وبيارات واستاذ شكيب غانم يلّي ما تركنا ولا نهار… شكرا لمدرستنا يلي تفهمت الوضع وساعدونا بكل الوسايل لنقطع هالمرحلة… شكرا لكل حدا أمّنلنا دوا مقطوع… شكراً وشكرا وشكرا ويا ريت فيي اذكر كل الاسماء لأنو بتستاهلو اذكركن كلكن واشكركن واحد واحد…
نحنا بخير… وبول صار بالبيت عالاوكسجين ل كم يوم…
قالوا كورونا مش لعبة… قالوا كورونا مش مزحة…
بس يلي اكتشفناه انو كورونا لعبة كبيرة… وحرب نفسية قبل ما تكون طبية… كورونا فعالة اكتر من الدبابات والاسلحة… والاموال يلي رُصدت اكتر من الاموال يلي اندفعت على اكبر الحروب… علينا ننتبه… والباقي ع الله…
ما تعَيّروا الناس… مين نقل العدوى لمين… ما حدا فوق راسو خيمة… وأهم اطباء العالم بعد لليوم ما فِهموا شو كورونا…
كونوا بخير يا اعز الناس… يرحم الموتى… ومن قلب قلبي…
بحبكن❤ والشكر الاكبر لالله🙏
