كلمات مؤثرة من ديفيد إلى شقيقه الشهيد رالف ملاحي:”نيالك يا ملاك يا خيي إنت عايش ونحنا ميتين هون”

نشر شقيق الشهيد رالف ملاحي، دايفيد ملاحي  صورة لشقيقه الشاب في ذكرى الـ6 اشهر على تفجير المرفأ ، وكتب:

٦ شهور يا خيي صرلك غايب كأنو دهر
٦ شهور والله العظيم اشتقتلك … كتير اشتقتلك
٦ شهور وبعدني مش مصدق إنو رالف خيي البطل غاب عنا
٦ شهور يا خيي البيت والدني كلها فاضية بلاك
٦ شهور يا نور عيوني ع عدد الثواني عم فكّر فيك ما فارقتني
٦ شهور يا خيي… ٦ شهور شو بدي قلّك شو بدي إحكيلك!
٦ شهور يا عمرو ل خيّك والقاتل بعدو ما تحاسب وبعدو عم يقتل بوطن كنت عم تحلم فيه يكون جنّة… وطن ضحيت بحالك إنت وعم تحاول تخلصو
آخ يا خيي بتعرف شغلة .. نيالك يا ملاك، يا خيي إنت عايش ونحنا ميتين هون.
يا خيي ما بطلب منك غير إنك تضلك حدنا و مرافقنا وحامينا أنا وإمّك وبيّك وإختك .
خليك حدنا وقوّينا ع فراقك .. يا خيي إلّا ما نرجع نلتقي شي يوم !
رالف يا روحو ل خيّك… بحبك ل تخلص الدني”

رصد موقع جديدنا الإخباري