جبران يردّ على الدكاش… ونجله يهدد بفضح اتصالاته

بعد حديث النائب شوقي الدكاش عن سوء الادارة السابقة التي كانت في مصلحة مياه بيروت وجبل لبنان قاصدا بذلك المهندس جان جبران رد الاخير عبر تويتر:

“انني اشاطر النائب دكاش على ان ازمة المياه هي الشح، وعليه ان يعلم بأن المدير عن ادارة التوزيع في الادارة السابقة، ما زال هو نفسه بالمهام…
غريب التناقض .”

بدوره رد نجل جبران على فايسبوك قائلا:

حكيك الشعبوي ونكدك السياسي صار واضح، الناس قرفت من الوعود الكاذبة و طريقة التعامل … كل عمرك تتصل ب”الإدارة التي كانت موجودة” تطلب خدمات و ولا مرة انرَفضلك طلب، بتحب نحكي ؟؟ نحكي معك شي و عالإعلام و قدام الناس نحكي شي ثاني ؟ بس كرمال الشعبوية ؟
انت يا سعادتك اكثر واحد بيعرف قديش كانت “الإدارة التي كانت موجودة ” تلبيك، لأن كانت “الادارة التي كانت موجودة ” مأمنة إن المؤسسة و المياه لكل الناس… و ما كانت هالادارة تفرق بين قوات و عونيي و مسلمين و مسيحيين…. بس الهيئة يا سعادتك ما بتحب الواحد يعاملكن بأخلاق و شفافية، بتحبوا الكذب عالناس و التضليل!

ازمة المياه صار اليوم سببها الشح ؟ من جمعتين كان سببها سوء الادارة بالتوزيع ؟ و من سنة كانت المياه بأحسن حالاتها لأن ما كانت قربت الانتخابات ….
عيب عليكن تحكوا عن سوء ادارة من بعد الطريقة يلي شلتو فيها “الإدارة التي كانت موجودة ” يا سعادتك….

حلوة كتير هالفترة… نحنا مبسوطين، الناس عم تتعرف عليكن مزبوط !”