The News Jadidouna

جسمن نام ع زند الأبد…هني وفوق معقولي يسمعو؟

هنّي وفوق معقولي يسمعو؟ اصوات دمع عم تشتكي

بيتعب البكي والشوق ما بيتعب…

كانو حدنا..وما شبعنا من غمرة..من ضحكة..من حكايات

كانو هون…كل الكون وما كنا مقدّرين..

او حاسبين..قسى الغياب..

كيف معقول ما يفتحو الباب…ويغيب الصبح وما سرّبو

وتغرّبو عالسكيت… وبقينا على الياريت…

صعبة ل منحبّو يصفّي بعيد…  جسمو  نام ع زند الأبد

يا كلمة صباح الخير صرتي آخ…يا هالمسا صرت الآهات

لا جَمعَة ..لا سهرة… لا قهقهةْ ضحكات…

ما بقي غير كمشة حنين..شوية ذكريات..

وحياة؟ كل جزء عم يوقع.. كل دقة عم توجع..

بيدق الباب منركض ومنقول طلّ…بس الحقيقة فلّ…

بخاطرك .. بخاطر العمر القصير.. بخاطرك يا فرح

بخاطرك يا كبير…

بقلم جان جورج زغيب

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy