العالم واقف على حافة مواجهة كبرى،
إيران وإسرائيل عم يتحرّكوا بخيوط نار دقيقة،
أميركا بتراقب، الخليج بيحسب، وأوروبا بتتفرّج.
وسط كل هيدا، لبنان؟
مش طرف بالحرب… بس رهينة فيها.
ما في صاروخ نزل، بس الاقتصاد انضرب.
ما في قرار دولي، بس الشلل شامل.
ما في معركة حقيقية، بس الكل عم ينتظرها… ليبرّر فشله، أو يصنع نفوذه.
لبنان اليوم مش بلد خارج اللعبة،
هو “بطاقة احتياطية” بجيب الكبار…
إذا طوّلت المواجهة، يُفجّر.
إذا انحلّت، يُنسى.
المشكلة مش بالمشهد…
المشكلة إنو كل مسؤول بلبنان ناطر القرار من برّا ليشرّع تسويتو.
نحنا مش بلد مستقل، نحنا بلد ينتظر أن يُستخدم.
ومن داخل هالصورة، لازم نعيد السؤال الحقيقي:
مش وين لبنان من الحرب؟
بل من يملك قراره إذا ما قامت الحرب…
“من داخل السلطة” – جان زغيب
خبير استراتيجي في صناعة النفوذ والرأي العام
ناشر ورئيس تحرير منصة جديدنا نيوز
