“في أمل” ..هذا ما تستعد له الاعلامية ريم حرب شواح على لبنان الحر

علم موقع جديدنا عن انطلاق اول حلقة من برنامج #في_أمل يوم غد الساعة 11am عبر اثير لبنان الحر.

ولفتت المعلومات الى ان كل حلقة تتضمن 5 فقرات:

الفقرة الاولى: “طائر الفنيق”: بكل حلقة منحكي بهل فقرة عن بلد عانى من أزمة معينة ووصل لنقطة الصفر ومنرجع منسرد كيف رجع اتغلب على ازمتو ووصل لموقعو الحالي. تنتذكر انو يلي عم يصير اليوم بلبنان هو عكس التاريخ ووطننا رح يرجع يقوم متل طائر الفنيق ونتعلم من خبرات بلدان غيرنا كيف الطريقة.

الفقرة التانية: “اخبار حلوة”: بهل فقرة منضوي على مبادرات، مساعدات لبنانية، وعلى انجازات ونجحات اللبنانيين بلبنان والخارج، تنركز على الميلة المليانة يلي بعدها موجودة ببلدنا.

الفقرة التالتة: “باقيين”: مقابلة سريعة مع شب او صبية كانوا بالمهجر وقرروا يرجعوا يأسسوا هون، او اشخاص رافضين الهجرة يخبرونا لي؟ وكيف عم يصمدوا وكيف عندن امل بلبنان.

الفقرة الرابعة: “شهادتك ملهمة” مقابلة سريعة مع اشخاص اختبروا الامل من خلال الايمان، تنضوي على شهادات حياة وخبرات ايمانية بتعطينا امل.

الفقرة الخامسة: “نصيحة أمل” Audio دقيقة من احد المشاهير بيعطينا نصيحة امل.