“كيف بدي خبرها انو يمكن ما تقدر تمشي” … طفلة ضحية السلاح المتفلت:”نزلت تشتري بوظة رجعتلي محمولة”

نشرت السيدة اسماء قصار على صفحتها عبر الفيسبوك صورة لطفلتها التي اصيبت برصاص طائش في طرابلس وكتبت:

“هيدي بنتي أول فرحة بحياتي صبية بيتي ورفيقتي كل ما كبرت البي بيكبر معها كل مافرحت البي بيفرح معها ربيتها كل شبر بندر اذا صابتها شوكة هيي او اخواتها بجن. نزلت عل دكان تشتري بوظة رجعتلي محمولة من لجارة عأساس واقعة على ضهرها مناخدها عل مستشفى نصورها مننصدم برصاصة بلعامود الفقري عملنا لعملية وقامولها لرصاصة بس بنتي بعد هل عملية من متل قبل وحياتنا منا متل قبل بنتي ٨٠ بلمية من حبل النخاع الشوكي متضرر بنتي في احتمال ١٠ بالمية انو ترجع تمشي بنتي عم تنشك بليوم عشر ابر. فهموني كيف بدي خبرها انو يمكن ما تقدر تمشي. شو بدا تحس وقت تشوف كل لولاد عم يلعبو وهيي لا……………………… ….. فكروا عشرين ومية ومليون مرة قبل ما تقوصو رصاصة. فكرو انو في ام رح ينحرق قلبها فكرو انو في طفل رح ينحرم طفولتو فكروا… بس للأسف لو شعبنا بفكر ما كنا وصلنا لهون…. الله يشفيكي ياعمري وشوفك ماشيي عأجريكي من جديد.”