معاقبة عنصر في فوج الاطفاء لانه طالب بدواء لابنته … صرخة من جو معلوف:”عم يشكي همه بتعاقبوه؟”
كشف الاعلامي جو معلوف عبر صفحته على تويتر أنه عوقب عنصر في فوج الإطفاء لمجرد أنه طالب بدواء لابنته عبر مواقع التواصل الاجتماعي!
وطالب معلوف بالتراجع عن هذه العقوبة فورا . وبحسب معلوف فالعنصر تقدم بطلب منذ سنة ونصف لشراء ماكينة أوكسيجين ودواء لابنته التي تصارع الموت.
وتوجه معلوف بسلسلة تغريدات الى رئيس بلدية بيروت جمال عيتاني بالقول: “وينك يا جمال عيتاني؟ ويا أموال البلدية تساعد فيها عناصرك.. بنته للزلمي مريضة وما عم تقدر تاكل من سنة!! عم يشكي همه بتعاقبوه؟؟؟ وين ضميركن؟؟”.
وأضاف معلوف: “من سنة ونص مقدّم هالعنصر طلب ليشتري ماكينة اوكسجين ودوا لبنته اللي عم تصارع الموت! بدال ما تصرفوا ملايين الدولارات على زينة الأعياد لتنفّعوا الجمعية المدعوم منكم سياسيا ساعدوا عناصرك.. ساعدوا اهل بيتكن يا بلا ضمير!!” معاقبة عنصر في فوج الإطفاء والسبب: طالب بالدواء لابنته!
العقيد عجوز عاقب العنصر في فوج الإطفاء خليل فرشوخ لمجرد إنو طالب بدوا لبنته عمواقع التواصل! الرحمة يا حضرة العقيد.. ارحموا العناصر اللي عم تسعفنا ليل نهار ومتلها متل هالناس عم تعاني من أقسى أزمة عم تمرق علينا. للتراجع عن العقوبة فوراً.. حرام عليكن.. ارحموا من في الأرض ليرحمكم. pic.twitter.com/9e8UPqE607
— joemaalouf جو معلوف (@joemaalouftv) January 28, 2022
