تعرفوا على ١٠ من أجمل قرى في الجنوب
فعلاً أنه لبنان جنة عالأرض إذا اكتشفنا كل منطقة فيه لأن كل منطقة بتتميز بكتير اشيا، أما جنوب لبنان بيتميز بطبيعته الخلابة وكل قرية موجودة فيه هي كنز، هالقرى يلي بتحتوي على العديد من الآثار القديمة والمناظر الطبيعية الجميلة والثروات المائية من أنهار وبحيرات وينابيع.
يلا نتعرف على البعض من أجمل قرى الجنوب بلبنان.
١. جزين:
هالقرية مشهروة بشلالاتها ومغارة فخرالدين التاني وبتشتهر بسوقها القديم وصناعة السكاكين.
٢. جرجوع:
هي وحدة من أهم قرى الإصطياف بلبنان ومقصد للسياح والمصطافين الهاربين من لهيب الصيف وطالبين الهدوء والسكينة.
٣. تبنين:
تبنين المشهورة بقلعتها والحصن وحراشها المليانة بالأشجار المعمرة وبتتميز هالقرية بسوق الجمعة الشعبي يلي بيجذب عدد كبير من الزوار.
٤. كفرحونة:
هالقرية يلي بتحتضنها الجبال من جهاتها الأربعة غنية بالينابيع والأنهار.
٥. قانا:
كتير من الناس بيعتقدوا أن المسيح قام بأول أعجوبة بقانا هالقرية يلي بتحتوي على العديد من الآثار.
٦. الريحان:
طبعاً من اسمها منعرف انها مشهورة بالريحان والحبق الموجودة فيها بكترة وفيها عدد من المغاور.
٧. بكاسين:
هالضيعة محاطة بغابات الصنوبر من كل الجهات و بتتميز بمناظرها الرائعة.
٨. مرجعيون:
هالقرية بطل على قلعة الشقيف الأثرية وبطل على جبل عامل ونهر الليطاني.
٩. مغدوشة:
بتشتهر بالعديد من الزراعات متل الليمون والعنب بالإضافة لتميز أهلها بصناعة ماء الزهر.
١٠. عين إبل:
تعتبر قرية تاريخية لأنها بتحتوي على العديد من الآثار.
ar.beirut.com
