قبل ساعات من “النعم الأبدية”… كلمات مؤثرة من وليام نون لشقيقه

يحتفل اليوم وليام نون شقيق الضحية جو نون الذي توفي في انفجار مرفأ بيروت بزفافه من ماريا فارس شقيقة الضحية سحر فارس، والتي أيضًا توفيت في الانفجار.

وقبل ساعات من قول النعم الأبدية توجّه وليام بكلمات مؤثرة لشقيقه جو، حيث كتب عبر فيسبوك:

“٢٧ سنة عشناهن سوا انا وياك عالأرض قبل ما يجي مجرمين يقررو ياخدوك مني، شو كانت احلامنا بسيطة وهنية ما كان بدنا شي إلا نضل سوا كتف عكتف.

صح اليوم انا عم حقق حلم من احلامي ومبسوط رغم كل الشوق وغيابك، بس بيبقى الهدف الأكبر عليي وعكل انسان بحب لبنان عدالة وحقيقة ومحاسبة لكل حدا ساهم بقتلكن.”

وأضاف: “كتار بيقرو هالكلمات وبيتضحكو علينا وانو لوين مفكرين نوصل ،بس نحنا خدنا قرار وبدنا نكفي لو شو ما كانت النتبجة.

دجو ليوم وكل يوم وصل صوتنا وآلام وطنا لرب السموات.

بحبك يا كبير البيت”.