في يوم الممرضة العالمي … تحية للبطلة الشهيدة سحر فارس

وجه خطيب البطلة سحر فارس رسالة لها في اليوم العالمي للممرضات وقال:” عروستي الحلوة البطلة🖤🕊يوم الممرضة العالمي.
الشهيدة المسعفة الممرضة البطلة سحر فارس ، بيوم الممرضة العالمي ، بدي الك ينعاد عليكي حد يسوع والعدرا ، مافي شي بقى اوصفك في او عبّر في عنّك ، تخطيتي كلشي حتّى الكلمات والتعبير ، انت بطلة كنتي بكلشي ، ممرضة بنقابة الممرضين او مسعفة بفوج الإطفاء او مسعفة بالصليب الاحمر ، عطائك يلي ما الو حدود و انسانيتك و حبّك لشغلك واندفاعك خلاّكي تقدمي اغلا شي عندك هي حياتك 🖤🕊 انا اكيد كل شخص زرعتيلو البسمة على وجوا و خفّفتيلو اوجاعو عم يصليلك ، وعم يشوف ضحتك و بسمتك من السما ، برفع راسي فيكي و بشوف حالي فيكي كنت ، و بعدني ، ورح ضل يا قلب جيلبير🖤🕊
بحبّك كتير يا بطلتي ، يا عروستي المغوارة ، يا عروسة الشهداء ، يا اجمل ملاك بالسما 🖤🕊
#نقابةالممرضينوالممرضاتفي_لبنان
#يومالممرضةالعالمي
#الشهيدةالمسعفةالبطلةسحرفارس
#الشهيدةالبطلةسحر_فارس
#عروس_بيروت
#عروسفوجاطفاء_بيروت”