سجال بين هشام حداد ووديع عقل: اجت أوامر بالانسحاب من تحرك عفوي !
نفذت مجموعة “الحرس القديم” والتيار الوطني الحر اعتصامًا أمام مدخل قصر العدل في بيروت دعمًا للقاضية غادة عون بالتزامن مع اجتماع مجلس القضاء الأعلى الاستثنائي والذي خصّص لبحث تداعيات عدم امتثال القاضية عون لقرار القاضي غسان عويدات.
وخلال تصريح مباشر لعضو المجلس السياسي في “التيار” المحامي وديع عقل فاجأه أحد المنظمين بالقول: “إجت الأوامر للإنسحاب”.
فما كان من مقدّم البرامج هشام حداد الى أن نشر الفيديو عبر”تويتر” وعلّق عليه بالقول: “خلص، اجت الأوامر ننسحب من التحرك العفوي، بزيادة استرجاع ودايع لليوم…
لما نقلكن كل شي منسق من اولو لاخرو للاستعمال بالبازار السياسي ما تبقو تجاوبونا بدونكيشوتياتكن”.
وردّ عقل على حداد كاتبًا: “عيب يا هشام، كرمال مصداقيتك، اذا بتهمك. انا إلي ١١ سنة بقاتل بملفات الفساد وبالقضاء وببلاش.. بعدين الشب يلي عم يحكيني وبشهادة الصحافي من الجديد، عم بحذر من “البلطجية” يلي نازلين بوجنا كرمال يدعموا رياض سلامة وغسان عويدات بالعصي والجنازير. هشام خليك عم بتضحكنا بالنكت وخلينا بالجد”.
فردّ عليه حداد: “بموضوع النكت انت صراحة بتضحكني اكتر بشخصية يوسف قليقل، نحنا ارباب الجد بس بدنا وفيك تسأل اللي بيعطوك اوامر… تاني شي ما شفت تحذير، شفت تبليغ بإيقاف التصريح مباشرة لأنو اجت اوامر الانسحاب، بما انو في أوامر انسحاب يعني كان في أوامر نزول، الكلمة الي استعملت: اوامر، اوامر يا وديع…”.
